Mamlaka ya mafunzo ya amali Zanzibar yaweka wazi mipango ya kumkomboa kijana kiuchumi.

 

MAMLAKA  ya Mafunzo ya amali  Zanzibar  VTA  imesema Katika  mipango  yake ya kuwaendeleza vijana  kujipatia ujuzi  na ufundi  imekusudia kujenga  vyuo  6 Kila wilaya visiwani humo.

Katika vyuo hivyo kimoja kitakuwa kinatoa Mafunzo yanayoendana na uchumi wa Buluu kama vile Ubaharia,ufundi wa vyombo vya Baharini,Mafuta  na Gesi ukulima na usarifu wa Mwani .

Hayo yamebainishwa na  kaimu afisa uhusiano wa mamlaka ya Mafunzo ya amali Zanzibar Tawhida  Shabani Jabu  Katika Maonesho ya 47 ya biashara ya kimataifa Sabasaba jijini Dar es salaam alipokuwa akizungumza na waandishi wa habari kuhusu mamlaka hiyo.

Amesema kujengwa kwa vyuo hivyo vitawasaidia vijana  kupata Mafunzo ya amali bila usumbufu wa kutembea umbali mrefu kufuata masomo na kuongeza idadi ya vijana  wenye ujuzi na kukabiliana na tatizo ajira.

"Nawashari na ninawaita vijana wazidi kuchangamkia fursa waje kujiunga na Mafunzo haya  kwa sababu wanapo maliza Mafunzo huwa tunawapa mikopo nafuu isiyo kuwa na riba "Alisema.

Amesema namna ya kupata mikopo hiyo ni vijana kujiunga Katika vikundi vya kuanzia watu  watano wafani Moja walio soma Katika vyuo vya amali.

Pamoja na hayo amesema Katika kuunga mkono Sera ya serikali kukuza  uchumi wa Buluu wabunifu Katika vyuo vya Mafunzo ya amali wamebuni Mashine mbalimbali ikiwemo Mashine ya kuchakata mwani.

"Vijana wetu pia Katika faninnyingine wamebuni  Mashine ya kukaushia nguo, na Mashine ya kutolesha vifaranga" Alisema 

Mamlaka ya  Mafunzo ya  amali Zanzibar  kupitia vyuo vyake vitano vilivyopo Unguja na Pemba inatoa mafunzo Katika fani 21, na vyo vyake vinapokea vijana kutoka pande zote za Muungano.

 Kwa Maelezo zaidi tembelea Banda lao Katika Maonesho ya 47 ya biashara ya kimataifa Sabasaba  Banda la Zanzibar au fika Katika ofisi za vyuo  vya Mafunzo ya amali vilivyoko Unguja na Pemba.

Lengo kuu la kuanzishwa mamlaka ya amali ni kukuza taaluma na ujuzi kwa vijana kwa kuwapatia Mafunzo ya elimu ya ufundi itakayo waweke Katika nafasi ya kuweza kuajiriwa serikalini ,sektabinafsi na kujiajiri wenyewe.