Makamu wa pili wa rais Zanzibar Balozi Seif Ali Idd Akutana na Rais Magufuli leo Ikulu.....Amhakikishia Kuna Amani Zanzibar na Wanasubiri Tarehe ya Uchaguzi itangazwe

mwambawahabariblog

Makamu wa Pili wa Serikali ya Mapinduzi Zanzibar Mheshimiwa Balozi Seif Ali 

Idd amemhakikishia Rais wa Jamhuri ya Muungano wa Tanzania Dkt. John 

Pombe Magufuli kuwa hali ya Zanzibar ni shwari na Wazanzibar wanasubiri 

kutangaziwa tarehe ya kufanyika kwa uchaguzi.

Balozi Seif Ali Idd ameyasema hayo Ikulu jijini Dar es salaam leo tarehe 20 

Januari, 2016 mara baada ya kukutana na kufanya mazungumzo na Rais 

Magufuli.

"Mimi nimekuja kumpa taarifa juu ya hali yetu Zanzibar inavyokwenda, 

nimemueleza kwamba Zanzibar ipo salama, Zanzibar ina utulivu na ina amani, 

nimeona nije nimueleze kwa kuwa yeye ni kiongozi wetu"alisisitiza Balozi Seif Ali 

Idd.

Makamu huyo wa pili wa Zanzibar ameongeza kuwa kutokana na uwepo wa 

amani na utulivu, wananchi wa Zanzibar wanaendelea na shughuli zao kama 

kawaida tofauti na inavyoripotiwa na baadhi ya vyombo vya habari.

"Hayo yanayoandikwa kwenye magazeti kuwa Zanzibar kuna fujo, Zanzibar 

kutatokea machafuko sio kweli, na kama unavyojua uchaguzi ulifutwa na tume ya 

uchaguzi na tunasubiri tarehe mpya ya uchaguzi itangazwe na tume ili tufanye 

uchaguzi" amebainisha Balozi Seif Ali Idd.

Gerson Msigwa.

Kaimu Mkurugenzi wa Mawasiliano, IKULU.

Dar es salaam.