SERIKALI KUBORESHA MAZINGIRA YA SEKTA YA UBUNIFU

Na Francis Peter, Dar es Salaam

Serikali  imesema inaendelea kuboresha mazingira ya sekta ya ubunifu katika nyanja mbalimbali na kuhakikisha kuwa teknolojia na bidhaa zinazobuniwa na Watanzania zinaweza kushindana na bidhaa kutoka mataifa mbalimbali Duniani.

Hayo yamesemwa May 20,2024 na Mkurugenzi wa huduma za Sayansi na Teknolojia kutoka Wizara ya Elimu ,Sayansi na Teknolojia Prof. Ladislaus Nyoni wakati wa  Mdahalo na Waandishi wa habari kuelekea Wiki ya ubunifu Tanzania itakayoanza rasmi hapo kesho Mei 21/2024.

Aidha Prof Nyoni amesisitiza kuwa Serikali imejidhatiti kuhakikisha inawasaidia vijana wabunifu kutengeneza wigo mpana wa ajira kupitia bunifu zao.

Kwa upande wake, Mkurugenzi Mkuu wa Tume ya Sayansi na Teknolojia (COSTECH) Dkt. Amos Nungu amewakaribisha wadau na watu mbalimbali katika wiki ya ubunifu itakayofanyika katika ukumbi wa Mikutano wa Kimataifa wa Julius Nyerere Posta Jijini Dar es salaam,(JNICC) ambapo kutakuwa na maonyesho mbalimbali ya bunifu za kisayansi na teknolojia.

Amebainisha kuwa Wiki ya ubunifu ilianzishwa na COSTECH na baadae ikaitwa HDIF na kwasasa ni program ya Ubunifu wa FUNGUO ambapo moja wapo ya mafanikio ya mradi huo ni kuanzishwa kwa Mashindano ya MAKISATU.

Ameongeza kuwa kupitia Jukwaa hilo la Wiki ya ubunifu limekuwa na mijadala mbalimbali inayochagiza maendeleo katika sekta ya ubunifu hususani kwa vijana na kusavutia wengi zaidi, pia amesema wiki ya ubunifu imekuwa ikiibua vipaji mbalimbali vya ubunifu.

Hata hivyo Meneja wa program ya Funguo Joseph Manirakiza amebainisha kuwa katika wiki ya ubunifu itashuhudiwa nguvu ya mabadiliko kupitia teknolojia na ubunifu ambapo tukio hilo ni hatua ya kuelekea wiki ya kitaifa ya elimu,ujuzi na ubunifu kwa kuangazia vitu muhimu katika sekta hiyo

Pia amesema Mwisho wa maadhimisho ya wiki ya ubunifu kutakuwa na tuzo za kuwatambua wabunifu mbalimbali waliofanya vizuri ambapo wiki ya ubunifu itatamatika mei 24/2024.

Mwakilishi wa Ubalozi wa umoja Ulaya Janet Mortoo amesema Vyombo vya habari ni daraja katika jamii la wananchi kupata taarifa muhimu kutoka sehemu mbalimbali,vyombo vya habari ni chanzo kikuu cha taarifa na maarifa hivyo 

Kupitia ubunifu vyombo vya habari vinaweza kusaidia zaidii katika kufikia malengo yanayotakiwa na vijana wengi wakafaidika zaidi na bunifu zao kwa kupata taarifa sahihi kuhusu ubunifu kupitia Vyombo vya habari.