RAIS SAMIA AWASILI NCHINI UGANDA KUHUDHURIA UAPISHO WA MUSEVEN

 

Rais wa Jamhuri ya Muungano wa Tanzania, Samia Suluhu Hassan amewasili asubuhi hii nchini Uganda ambapo leo May 12, 2021 atahudhuria sherehe za kuapishwa kwa Rais wa Jamhuri ya Uganda Yoweri Kaguta Museveni katika uwanja wa sherehe wa Kololo Jijini Kampala.

Rais Yoweri Museveni anatarajiwa kuapishwa leo kuendelea kuiongoza Uganda kwa muhula wa sita baada ya kushinda uchaguzi wa January 14, 2021 kwa kuwashinda wagombea wengine kumi katika nafasi ya Urais (akiwemo Robet Kyaluganyi maarufu Bobi Wine) kwa ushindi wa 58% ya kura zote.