RAIS MUSEVEN KUAPISHWA LEO

 

Rais Yoweri Museveni anatarajiwa kuapishwa baadaye leo kuiongoza Uganda hii ni baada ya kushinda uchaguzi wa January 14, 2021 kwa kuwashinda wagombea wengine kumi katika nafasi ya Urais (akiwemo Robet Kyaluganyi maarufu Bobi Wine) kwa ushindi wa 58% ya kura zote.

Museveni ataiongoza Uganda kwa miaka mengine mitano, ikiwa ni muhula wake wa sita madarakani tangu alipoingia madarakani January 1986 kwa mapinduzi ya kijeshi, hadi utakapofika uchaguzi mwingine 2026 atakuwa madarakani kwa miaka 40, sawa na miongo minne, wakati huo akiwa na umri wa miaka 81.

Museveni yupo kundi moja na Rais wa Guinea ya Ikweta Teodoro Obiang, Rais wa Cameroon Paul Biya, Rais wa Jamhuri ya Congo (Brazzaville) Denis Sassou Nguesso, na Rais wa Eritrea Isaias Afwerki ambao mi Marais wakongwe Barani Afrika ambao hadi sasa bado wapo madarakani, kwa Afrika Mashariki Museveni anaongoza kwa kuwa Rais aliyekaa madarakani wa muda mrefu.

Ikulu ya Uganda imesema Marais takribani 10 wamethibitisha kushiriki shughuli za uapisho wa Museveni akiwemo Rais wa Tanzania Samia Suluhu Hassan ambaye tayari ameondoka Tanzania kuelekea Uganda.