Taasisi ya dini ya kiislam ya Khoja Shia kutibu macho bure

Mratibu wa kambi ya macho katika Taasisi ya Khoja Shia Alirge Bandari akizungumza na wandishi wa habari Katika kambi ya macho (kushoto) Mwenyekiti wa Jumuiya ya Wazazi Kata ya Kisutu Al Hajj Mahmood Amirali (PICHA NA HERI SHAABAN).

NA HERI SHABAN, DAR ES SALAAM.

Taasisi ya dini ya kiislam ya Khoja Shia leo wamezindua kambi ya miezi miwili ya uchunguzi wa macho bure  kwa wananchi.

Uzinduzi huo ulifanyika katika kambi hiyo ya KhojaShia Wilayani Ilala  wanangalia bure mtoto wa jicho kila jumamosi na Jumapili kwa muda wa miezi miwili.

Akizungumza na waandishi wa habari Mratibu wa kambi hiyo Alirga Bandari , alisema dhumuni la kambi hiyo  kuimalisha afya za Watanzania ili tuwe na Taifa imara.

"Tumeanza kambi ya macho mtu akibainika kama ana mtoto wa jicho anafanyiwa  upasuaji bure  " alisema  Bandari.

Bandari  alisema kwa Mkoa wa Dar es Salaam kambi ipo wilaya ya Ilala huduma inatolewa kwa mwaka mara moja,pia katika mikoa ya Tanga ,mkoa Pwani Bagamoyo,Kigoma, Lindi.

Aidha alisema pia katika kambi hiyo wanangalia afya ya meno kwa siku za jumapili peke yake huduma hiyo nayo ni bure.

Kwa upande wake Daktari wa macho Mwaihojo Justune alisema toka huduma hiyo ya kuwafanyia uchunguzi wa macho bure zaidi ya wananchi 10,000 wamepewa huduma tayari na mafanikio makubwa.

Mwandishi wa habari Heri Shaaban (kushoto) akiangaliwa macho na Dkt. Mwaihojo Justine katika kambi ya Macho Taasisi ya Kiislam ya Khoja Shia huduma hiyo bure kwa wananchi  kwa muda wa miezi miwili Jumamosi na Jumapili (PICHA  NA MWANDISHI WETU).

Mwaihojo alisema kuna tatizo la presha ya macho wagonjwa wengi waligundulika na tatizo hilo.

Alisema wagonjwa wakigundulika wana tatizo  wanapewa rufaa ya kwenda Amana,Muhimbili,Temeke,Mwananyamala.

"Tatizo la upofu wa macho ukishindwa kutibu mapema unapata upofu wa macho uwezi kupona " alisema Mwaihojo.