DC MJEMA AHIMIZA MIRADI YA KIMKAKATI KUKAMILIKA KWA WAKATI.

Na John Luhende 

Mwamba wa habari

Mkuu wa wa wilya ya Ilala Mhe Sophia Mjema  ,amewataka  wakandarasi wanaojenga miradi ya kimkakati kufanya kazi usiku na mchana ili  waweze  kukamilisha  ujenzi  kwa wakati . 

Dc Mjema ametoa agizo hilo wakati wa ziara yake kutembelea  na kukagua maendeleo ya ujenzi huo  katika ujenzi wa  soko la kisasa kisutu , ujenzi wa machinjio  Vingunguti ,ujenzi wa mabweni shule ya sekondari  Jangwani  ambapo alisema  katika kuhakikisha kazi inafanyika bila kusimama ofisi yake imeweka watu kila mradi watakao kuwa wana simamia na kumpataarifa marakwamara.

Aidha akikagua ujenzi katika hospital  ya  Wilaya Kivule,Mjema  alitoa agizo kwa mkurugenzi  kuhakikisha anapeleka  vifaa vya ujenzi kwa wakati  .

“Nimefika hapa katika ujenzi  wa hospitali sijafurahishwa  kukuta kazi imesimama kisa Cement imeisha ,na maelezo niliyopewa inaonekana mkurugenzi amechelewesha malipo hali halikubaliki  namtaka mkurugenzi asisubiri vifaa vya ujenzi kuisha ndipo afanye manunuzi  majengo haya nataka mpaka tarehe 30 yawe yamakamilika “Alisema Mjema .

Kwa upande wake msimamizi wa mradi wa ujenzi wa  soko la kisutu  Mvungi Ismail, alisema  ujenzi wa soko hilo ulichelewa kuanza kwakuwa kulikuwa na changamoto ya udongo katika eneo la ujenzi lakini sa imetatuliwa na ujenzi unaendelea umefikia asiliamia 5%, na jingo hilo sasa litakuwa imara bilashaka.

Naye msimimamizi wa ujenzi  wa machinjio ya kisasa  Vingunguti  Elisante Uromi  kutoka shirika  la nyumba( NHC ), alisema  wanafanyakazi usiku na mchana kuhakikisha wanamaliza kazi hiyo kwa wakati  sawa sawa na agizo la serikali

Katika hatua nyingine DC Mjema ametembelea shule ya sekondari Pugu na kuagiza kukomeshwa kwa tabia ya uvamizi wa eneo la shule hiyo.

“Uvamizi huu umefanywa na watoto wa waliokuwa watumishi wa wazungu wao wanadaikuwa wamerithishwa na wazazi zao na mababu zao  lakini ukweli nikwamba hayo siyo maeneo yao  yalikuwa  na maeneo ya serikali  tuna fuatilia na mikataba ipo tutahakisha maeneo ya serikali yanalindwa  nataoa wito kwa wote wanaokalia maeneo haya kuyaachia  na viongozi wa ngazi za mitaa naomba wayalinde maeneo haya”Alisema.

Jovinus Mutabuzi , ambaye ni mkuu wa shule ya sekondari Pugu  alisema  shule hiyo imeathirika na uvamizi huo ,kwani watu wamekaribia eneo karibu na shue wengine wamejenga baa wanapiga mziki wanavurugu utulivu wa wanafunzi katika masomo .

‘’Maeneo ya shule yatengwe  na makazi  kama walimu pia tunapata changamoto wanafunzi wanavutika na mabo yanayofanyika mtaani tunakuwa na kazi ya ziada kuwalinda wanafunzi kwani shule yetu haina hata uzio  tunashukuru taarifa zimemfikia mkuu wetu wa wilaya tuna matumaini mgoro huu utakwisha”Alisema  Mkuu wa shule.

Hatata hivyo mkuu huyo aliiomba serikali kuipekea maji shule hiyo ili kuondokana na adha ya ukosefu wamaji kwa wanafunzi na walimu .