RAIS SAMIA APONGEZWA KUENZI UTAMADUNI WA ASILI .

 

Naibu Waziri wa Maliasili na Utalii, Mhe. Mary Masanja (Mb) amempongezza Rais wa Jamhuri ya Muungano wa Tanzania kwa kuenzi utamaduni ikiwa ni pamoja na utamaduni wa ngoma za asili kwa sababu Serikali yake ya Awamu ya Sita inatambua matamasha hayo.

Akizungumza na wananchi leo katika Tamasha la Ngoma za Asili lijulikanalo kama Tulia Traditional Dances lililofanyika leo katika Viwanja vya Airport ya zamani jijini Mbeya.Mhe. Masanja amefafanua kuwa, Sekta ya Utalii inatambua kwa asilia mia kwamba utamaduni wa ngoma za asili ni sehemu mojawapo ya kuhamasisha utalii na pia unasaidia kuongeza pato la Taifa na pato la mwananchi mmoja mmoja.

Amewahamasisha wananchi kuendelea kuandaa matamasha kama hayo  kwa  kila kanda ili mwisho wa siku yavutie wageni kutoka nje ya nchi waje kuangalia utamaduni huo.

Mhe. Masanja amepongeza Naibu Spika wa Bunge, Dkt. Tulia Ackson kwa kurudisha tamasha la Utamaduni wa ngoma.