DIT KWA KUSHIRIKIANA NA TDS YAWAJENGEA UWEZO WANAFUNZI WA SEKONDARI MKOANI MARA.

 

Baadhi ya Wanafunzi wa Shule ya Sekondari ya Nyegina, Mugango na Chief Wanzagi wakishiriki  mafunzo ya Kompyuta yanayotolewa na Taasisi ya Teknolojia Dar es Salaam (DIT)  kwa kushirikiana  na Tanzania Development Service (TDS)  ya nchini Marekani.

...........

Taasisi ya Teknolojia Dar es Salaam (DIT)  kwa kushirikiana  na Tanzania Development Service (TDS)  ya nchini Marekani wametoa mafunzo ya kompyuta kwa wanafunzi 26 kutoka shule tatu za Sekondari mkoani Mara.

Shule hizo ni pamoja na Sekondari ya Nyegina, Mugango na Chief Wanzagi  ambapo wanafunzi wameshiriki kwenye mafunzo hayo yatakayotolewa kwa siku tano.

Mafunzo haya yanayoenda sambamba na ufungaji wa kompyuta 30 yanatolewa na wataalamu pamoja na wanafunzi kutoka chuo Cha DIT.

Imeelezwa kuwa huo ni muendelezo katika kutekeleza dhana ya mafunzo vitendo (Teaching Factory) inayotekelezwa na Chuo Cha DIT ambapo wanafunzi wanapata mafunzo kwa vitendo zaidi ya yale ya darasani.

Matarajio ya DIT na TDS ni kuwa, baada ya mafunzo haya wanafunzi wataweza kupeleka utaalamu huo kwa wengine ambao hawakupata fursa ya kushiriki mafunzo haya.

Pamoja na kupata mafunzo wanafunzi, pia shule hizo wamepewa  kompyuta 30 ambazo zimefadhiliwa na Taasisi ya TDS.