WATU MAARU KAWE WATUPWA NJE KURA ZA MAONI

Furaha Dominic Jacob

Furaha Dominic Jacob ameongoza kura za maoni Jimbo la Kawe, Dar es Salaam kupitia Chama Cha Mapinduzi (CCM) kwa kupata kura 101 kati ya kura zote 475. 

Mkutano huo wa kura za maoni imefanyika leo Jumanne tarehe 21 Julai 2020.

Aliyeshika nafasi ya pili ni, Angela Kiziga kura 85 na Askofu wa Kanisa la Ufufuo na Uzima, Josephat Gwajima amekuwa nafasi ya tatu kura 79 na meya wa zamani wa Manispaa ya Kinondoni, Benjamin Sitta akepata kura 61.

Mkurugenzi Mkuu wa zamani wa Kampuni ya Mwananchi Communications Limited (MCL), Francis Nanai ameibuka na kura tano huku aliyekuwa Mkuu wa Wilaya ya Moshi Mkoa wa Kilimanjaro, Kippi Warioba amepata kura tatu.

Aliyekuwa Katibu Mkuu wa Chadema, Dk. Vicent Mashinji yeye amejikuta akipata kura mbili.