WATAKIWA KUTAMBUA JUHUDI ZILIZOFANYWA KUPUNGUZA BIASHARA YA DAWA ZA KULEVYA

Mwamba wa habari
Mamlaka  ya Kudhibiti na Kupambana na Dawa za kulevya nchini  imesema kuwa Tanzania imefanikiwa kupunguza kwa asilimia 90 uingizwaji wa dawa za kulevya nchini kupitia ukanda wa Bahari ya Hindi na kwamba  Serikali ya Awamu ya Tano imepongezwa na Umoja wa Mataifa kupitia Shirika lake la UNODC linaloshughulika na dawa hizo na uhalifu kutokana na kutambua juhudi zake katika kukomesha biashara hiyo.

Akizungumza  jijini Dar es Salaam Kaimu Kamishna Jenerali James  Kaji  amesema  kuwa Mamlaka hiyo imefanikiwa kudhibiti biashara ya dawa za kulevya na vema Watanzania wakaendelalea kushiriki kikamilifu kwenye vita hiyo na hatimaye kupunguza au kumaliza kabisa uingizwaji wa dawa hizo.

" Shirika hilo kupitia Kamisheni ya kimataifa ya kudhibiti Dawa za kulevya (CND )  imeipongeza Tanzania  kwa jitihada madhubuti katika kudhibiti na kupambana na tatizo la dawa za kulevya ambazo zimeleta matokeo chanya katika mapambano ya dawa kulevya duniani kipindi cha miaka mitatu mfululizo kuazia mwaka 2018 hadi 2020.

Amefafanua kuwa katika mkutano wa 63 wa kamisheni ya kimataifa ya kudhibiti Dawa za kulevya duniani  (CND 63) uliofanyika Viena - Austria ,Mkuu wa Shirika la umoja wa mataifa linaloshughulika na masuala ya dawa kulevya na uhalifu  (UNODC) Ghana Fathi Wally amesema Tanzania ni moja kati ya nchi chache barani Afrika zilizofaikiwa kupunguza upatikanaji  na uhitaji wa dawa za kulevya pamoja na kupunguza madhara yanayosanabishwa na matumizi ya dawa hizo, kuimarishwa ushirikiano wa kimataifa na kuwekeza kutekeleza mikakati minne ya kupambana na tatizo la dawa za kulevya Kwa uwiano ulio sawa."amesema Kaji

Kaimu Kamishna Jeneral Kaji amesema kuwa mafanikio haya yamekuja kutokana na juhudi za Serikali ya Tanzania kufanya marekebisho makubwa ya kisheria Kwa kutunga sheria ya kudhibiti na kupambana na Dawa za kulevya sheria Na.5 ya mwaka 2015 na mabadiliko yake ya mwaka 2017 Kwa Tanzania bara,na kwa upande wa Tanzania visiwani ambako mabadiliko ya sheria yamefanyika 2019.

Pia amesema kutokana na mafanikio hayo mwaka 2018 Shirika la umoja wa mataifa linaloshughulikia masuala ya Dawa za kulevya na uhalifu (UNODC) liliipa Tanzania heshima ya kuwa mwenyeji wa Mkutano wa 28 wa umoja wa Mataifa Kwa kanda ya Afrika wa wakuu wa vyombo vinavyopambana na tatizo la dawa za kulevya (HONLEA 28 ) uliofanyika ukumbi wa mikutano wa Mwalimu Nyerere jijini Dar es Salaam.

Amesema pamoja na mafanikio hayo makubwa kwa masikitiko makubwa kuna baadhi ya vyombo vya habari nchini Tanzania vimekuwa vikiandika na kutoa taarifa za upotoshaji kiasi cha kurudisha nyumba jitihada hizo na mbaya zaidi zinachafua taaswira ya nchi yetu kazi.

Amesisitiza ni muhimu kuwa makini katika uandishi wa habari na ni vema kutumia vyanzo vya uhakika na kuzingatia maadili ya uandishi .Mamlaka ya Kudhibiti na Kupambana na Dawa za kulevya kifungu cha 7(2) ina wajibu wa kutoa taarifa sahihi kwa jamii ya watanzania kuhusu masuala ya dawa za kulevya na kwamba kwa vyombo vya habari  kifungu hicho vinawajibu kutoa habari sahihi kwa wananchi kinyume na hapo ni ukiukwaji wa sheria.

Pia ameeleza kwamba  Mamlaka hiyo iko wazi na tayari wakati wote kutoa ushirikiano hususani kutoa taarifa za masuala yanayohusu dawa za kulevya nchini huku akifafanua kwenye tovuti ya mamlaka