DROO YAKWANZA YA SPORTPESA NA AIRTEL MONEY YAIBUA WASHINDI 21

Mwambawahabari

Washindi 21 kutoka mikoa mbalimbali hapa nchini wameendelea kujishindia zawadi kabambe katika droo kubwa na ya kwanza iliyochezeshwa na SportPesa pamoja na Airtel money.

Meneja Uhusiano wa Mtandao wa Airtel Tanzania Bw. Jackson Mbando akitoa ufafanuzi wa jambo fulani mbele ya waandishi wa habari mapema leo jijini Dar es salaam kushoto kwake ni Meneja Uhusiano wa Sport pesa Sabrina Msuya.

Droo hiyo imehusisha wateja wanaobashiri kwa kutumia mchezo wa SportPesa pamoja na kuweka pesa kwa kutumia mtandao wa Airtel.

Katika droo hiyo ya kwanza wamepatikana washindi 21 ambao kati ya hao 10 wamejishindia simu janja(smart phone) aina ya Sumsung Galaxy na mmoja kutoka mkoani Tabora ameshinda flat screen TV na waliobaki wamepata zawadi za jezi pamoja na tiketi za kuangalia mechi za Simba na Yanga kwa Msimu mzima.

Akiongea na waandishi wa habari Makao Makuu ya Mtandao wa Airtel Morocco jijini Dar es salaam Meneja Uhusiano wa Mtandao wa Airtel Bw. Jackson Mbando alisema kuwa zawadi hizo zimehusisha wateja kutoka mikoa mbalimbali hapa nchini ikiwemo mkoa wa Dar es salaam, Arusha, Tabora, Bukoba, Lindi, Mtwara na mikoa mingine.

Bw. Mbando alisisitiza kuwa wateja wote wa mikoani wasiwe na wasiwasi kwani watapatiwa zawadi zao mapema kwa kuwa leo zinatumwa na washindi wote wataenda kuzichukua zawadi hizo katika Maduka ya Airtel waliyo karibu nayo.

Bi venus Malima Lugela akikabidhiwa simu na meneja uhusiano wa Sportpesa Sabrina Msuya mapema leo jijini Dar es salaam.

Kwa upande wake Meneja Uhusiano wa SportPesa Sabrina Msuya alisisitiza kuwa Watanzania hasa wapenda mpira kuendelea kubashiri kwa wingi kwani unavyocheza zaidi ndipo unajiweka katika nafasi nzuri ya kushinda.

Akitoa ushuhuda wake Dada Venus Malima alisema kuwa yeye ni mchezaji wa muda mrefu wa mchezo huu na hii inatokana kuwa yeye ni mshabiki mkubwa wa mpira na anabashiri kwa kila siku ndio siri kubwa ya ushindi wake.

Washindi wa Dar es salaam waliokabidhiwa zawadi zao leo ni Bi. Venus Malima Lugela mkazi wa Kimara Temboni , Kiliani Moyo Mkangajela mkazi wa Kibaha Kwala na wa mwisho ni Frank el Mbwana mkazi wa Manzese