NHC YATEKELEZA MRADI WA UJENZI WA NYUMBA 30,000

Meneja Mauzo wa Shirika la Nyumba la Taifa ( NHC ),Erasto Chilambo (kushoto) akijibu maswali kwa waandishi wa habari (kulia) Meneja wa Mawasiliano wa Shirika hilo, Yahaya Charahani.

PICHA NA PHILEMON SOLOMON

Na. Jesca mathew

mwambawahabari

Tatizo la upatikanaji wa ardhi nchini limekuwa ni tatizo kubwa kwa taifa jambo linalosababisha wananchi wa kipato cha chini kushindwa kumudu gharama za umiliki wa nyumba.

Akizungumza na waandishi wa habari jijini dar es salaam meneja masoko wa shirika la nyumba la taifa NHC Erasto Chilambo amesema changamoto hiyo inazidi kuongezeka kwa kuwa gharama za maisha zinazidi kupanada na kufanya gharama za ujenzi kuongezeka.

'' lengo la shirika la nyumba ni kuhakikisha kila mwananchi anapata fursa ya kumiliki nyumba hivyo upatikanaji wa ardhi ungekuwa wa bure ingerahisisha gharama za ujenzi kupungua na kufanya kila mtanzania mwenye kipato cha chini kumiliki nyumba .''alisema chilambo.

Meneja Mauzo wa Shirika la Nyumba la Taifa ( NHC ),Erasto Chilambo (katikati) akizungumza katika mkutano wa waandishi wa habari (hawapo pichani) jijini Dar es Salaam leo akielezea utekelezaji wa miradi ya ujenzi wa nyumba ya Shirika hilo ( kushoto), Afisa Mawasiliano na Huduma kwa Jamii wa Shirika la Nyumba la Taifa (NHC ) Bi Edith Nguruwe, Meneja wa Mawasiliano wa Shirika hilo, Yahaya Charahani.

Meneja huyo akaongeza kuwa shirika la nyumba limeandaa mkakati wa kujenga nyumba elfu thelathini za kuuza na kupangisha ifikapo mwaka 2025 ikiwa ni  mkakati wa miaka 10 ulionza mwaka 2015.

''tumekusudia kujenga nyumba elfu 12 kwa ajili ya watu wa kipato cha chini,13,500 elfu za watu wa kipato cha kati na nyumba elfu 2,700 kwa ajili watu wenye kipato cha juu.''aliongeza chilambo.