SHINDANO LA KUMTAFUTA MR. TANZANIA 2021 LAPAMBA MOTO.

Mshiriki wa Shindano la Mr. Tanzania 2021 Bw Godfrey Kajengile ambaye kwa sasa ni Mr. Mbeya.

Na Mwandishi Wetu. Dar es Salaam.

.............

Shindano la kumtafuta  MR. Tanzania linatarajia kufanyika October 22 mwaka huu katika Ukumbi wa Kilimanjaro, Ubungo Plaza jijini Dar es Salaam.

Akizungumza jijini Dar es Salaam kuhusu maandalizi ya Shindano hilo Katibu Mkuu wa Shirikisho la Ujenzi wa Mwili Tanzania (TBBF ), Bw. Francis Mapugilo, amesema kuwa shindano linatarajia kuanza saa moja asubuhi ambapo wadau mbalimbali wanatarajia kushiriki.

Bw. Mapugilo amesema kuwa kwa  mwaka huu wameamua kufanya shindano hilo pekee kutokana na mdhamini kushindwa kumudu gharama za Mr. Tanzania, Mr.  Physique pamoja na  Miss Fitness.

Amesema kuwa kamati inaomba radhi  washiriki ambao vipengele vyao vitakosekana kutokana na sababu zilizonje ya uwezo wao.

 "Kwa watu waliotayari washiriki watalipa TSH.100,000 (Shilingi Laki Moja tu) na Mpesa Kwa  0753559833 (Chandrakanta Asawla) na mara tu malipo yatakapo kamilika, utapokea ujumbe wa malipo nyenye kupokelewa ndani ya masaa 24,"amesema Mapugilo.

Amesema kwa waliona Tigo wanaweza kutuma Kwa 0653 215757 kwa Rishabh Patel ambapo fomu zinapatikana kwenye wavuti yao www.tzbbf.org katika safu ya usajili pia unaweza kuipakua Kwa bure.

Katibu huyo amesema kuwa fomu za kushiriki  zinapatikana katika kumbi za michezo mbalimbali jijini Dar es Salaam ikiwemo Gym Bodyline Mikocheni, Gym Home Mwenge, Body Fuel Masaki pamoja na Gym zingine.

"Uhakika ni hivi bodybuilding safari hii itakuwa ni (Free Class) kwa maana hakutakuwa na groups kutokana na uzito wao ."amesema Mapugilo

Amesema kuwa  wamefanya hivyo kutokana na ufinyu wa bajeti ya mashindano , na kutakuwa na kipengele cha best Poser ilikuleta ladha kwenye shindano .

"Waliotayari kugombea wanatakiwa kulipa laki moja na hadi sasa maandalizi kupelekea siku hiyo yanaendelea vizuri," amesema Mapugilo.

Amesema fomu zinapatikana kwenye wavuti yao www.tzbbf.org katika safu ya usajili pia unaweza kuipakua kwa bure.

Hata hivyo ameeleza kuwa mchezo kutunisha misuli ni miongoni ya michezo inayopendwa  tangu mwaka 1990.

Mchezo huu ulitajwa kila kona, ndiyo ulioongoza kuwa na wadhamini wengi kuliko fani mengine ya burudani.

Mkurugenzi wa Kampuni ya Pilipili Intertainment Millesh Batt, ambao ndio waandaaji wa shindano hilo, amewataka Watanzania kujitokeza kwa wingi kuja kuangalia shindalo la Mr. Tanzania.

Amesema kuwa kutakuwa na zawadi mbalimbali  kwa washindi ili kuleta hamasa katika shindano hilo.