HAWA HAPA VIONGOZI WAPYA WA ACT- WAZALENDO

Na Noel Rukanuga, Dar es Salaam.

Wajumbe wa Mkutano Mkuu wa Chama ACT Wazalendo wamemchagua Maalim Seif kuwa Mwenyekiti wa Chama hicho baada ya kupata kura 337 sawa na asilimia 93.3 katika uchaguzi unaoendelea wa kuchagua viongozi ngazi ya taifa.

Wajumbe wa mkutano huo wameonekana kuwa na furaha baada ya matokeo kutangazwa, Maalim Seif kabla ya kuchaguliwa uenyekiti alikuwa Mshauri Mkuu wa Chama hicho.

Akitangaza matokeo hayo leo jijini Dar es Salaam Mwenyekiti wa Kamati maalumu ya uchaguzi ACT- Wazalendo Omary Shabaani, amesema kuwa jumla ya wajumbe 375 walioshiriki katika uchaguzi ni 375, kura halali zilikuwa 367 huku kura 4 zikiharibika.

Viongozi wengine waliochaguliwa ni pamoja na Bw. Zitto Kabwe amechaguliwa kuwa kiongozi Mkuu wa Chama, Bw. Juma Haji ni makamu mwenyekiti upande wa Zanzibar, Bi Dorotha Semu ni Makamu mwenyekiti Tanzania bara.

Uchaduzi huo unaendelea kwa kuchagua viongozi mbalimbali ikiwemo wajumbe wa Halmashauri Kuu ya Taifa pamoja na kamati kuu ya Chama, wajumbe watakaopatikana kesho machi 16 mwaka huu watapiga kura kumchagua katibu mkuu wa chama pamoja na manaibu wake.