WATANZANIA WAMEANZA KUIELEWA CHEKO BILAKIKOMO: CHUCHU DOTE.

Na.John Luhende

Mwamba wa habari

Msanii wa sanaa za kuchekesha majukwaani , ambaye pia ni  Mratibu wa Stand Up Comedy cheko bila kikomo, Angel  Massaburi  (Chuchu dote) amewashukuru watanzania na mashabiki wa mchezo huu kwa kujitokeza kwa wingi kuwaungamkono katika onyesha lao lililofanyika kwa kufana  mwishoni mwa juma  katika ukumbi wa Title Theater Oyeserbay Jijini Dar es salaam.

Akizungumza baada ya onyesho hilo  Angel,  ambaye anatumia jina la Chuchu dote , katika mitandao ya kijamii, amesema  kilasiku wanapo andaa onyesho kumekuwa na mabadiliko ya mwitikio wa watu katika mahudhurio jambo ambalo yeye na wasanii wenzake linawatia moyo katika kazi yao.

“Mwakajana mwezi wa kumi na moja tulifanya onyesho lilikuwa zuri lakini nimeona laleo  limefana  zaidi kama unavyo ona watu wamejitokeza kwa wingi  hii inaonyesha jinsi watanzania wameanza kuielewa sanaa hii , kwa wenzetu nchi za nje ni sanaa maarufu   inayo pendwa sana ,nawaomba watanzania waendelee kutu unga mkono”Alisema.

Amesema kuwa malengo yao ni kuweza kuitangaza bendera ya Tanzania kimataifa  kuungwa kwa mkono na watanzania umewaongezea nguvu ya kupambana zaidi hasa kutokana na kazi ambazo wanazifanya .

"Sanaa inakua taratibu hivyo kazi yetu itafika mbali hasa kutokana na ushindani uliopo kwenye tasnia, kuna mambo mengi ya kufanya katika kazi yetu hasa ukizingatia kwamba kuchekesha mtu sio jambo jepesi kama wengi wanavyofikiria, tutaendelea kujituma na kufanya kazi nyingi  na maonyesho  zaidi," Alisema Chuhu.

Kwa upande wake Ramadhani Kilasi (Makuzi  Comedian )   amesema watanzania  sanaa hii  walikuwa bado hawajaifahamu sana walizoea kuangalia mtandaoni  kutoka nchi zanje  hivyo Cheko bila kikomo imekuja kuwaonyesha kwa ukaribu zaidi  uzuri wa sanaa hii.

“Hatuna majina makubwa sana  lakini nawaomba watanzani tunapo kuwa na maonyesho  kama haya  wajitokeze kwa wingi tuna vitu vikubwa vya kuwaonyesha  sanaa hii ninzuri sana”

Mwamba wa habari imezungumza na baadi ya  mashabiki wailio hudhuria onyesho hilo  ambapo Rachael  Michael, amewapongeza wasanii hao kwa kwa umahili wao kwani wamekonga nyoyo za mashabiki wamecheka na kufurahi.

“Kazi ya kumchesha mtu nikazi ngumu sana , lakini hawa wameweza watu wote nimewaona wakati wa onyesho wanakicheka sana wasanii wetu wameonyesha ukomavu mkubwa  Mungu awasaidie wasonge mbele”Alisema