MADIWANI KIGAMBONI WAITAKA MANISPAA KUBUNI VYANZO VIPYA VYA MAPATO.

Na. John Luhende 
Mwamba wa habari

MADIWANI wa Manispaa ya Kigamboni  wameitaka manispaa  ya kigamboni   kubuni  vyanzo vipya vya Mapato kutokana na  vyanzo ambavyo  Manispaa hiyo ilikuwa ikivitegemea  kuchukuliwa na serikali kuu ,jambo ambalo limesababisha baadhi ya miradi kushindwa kutekelezwa.

Madiwani hao wakichangia katika kikao cha baraza la madiwani wamesema  taarifa zao zimekuwa zikijirudiarudia  kila mwaka kutokana baadhi ya mambo kutotekelezwa hivyo kulazimu kuandikwa upya .

“Kipindi cha mvua kinaanza  muda simrefu namvua zinapo nyesha  kichangachui mfereji pale hospitali ,Mahakamani  maji yanajaa sijajua mpaka sasa ufumbuzi wake ukoje , na pia pale stand ya Kigamboni  kumekuwa na mrundikano wa magari , nini mbadala wake na taa hazija wekwa, haya yote nimekuwa nikiyaulizia kila kikao lakini hakuna utekelezaji “Alisema Dotto Msawa . Diwani wa kakata ya Kigamboni.

Kwa upande wake  Mkurugezi wa Manispaa ya Kigamboni  Ludigija Ng’wilabuzu ,amesema kumekuwa na changamoto nyingi ambazo zimekuwa zikiibuka kama dharua nje ya bajeti  ikiwemo  ujenzi wa madarasa na madawati  na kuwataka Madiwani kuwa  wavumilivu na kwamba kila changamoto itatatuliwa kwa wakati wake kutokana na upatikanaji wa fedha.

Kutokana na hali hiyo Madiwani  Isaya Mwita, wa kata ya vijibweni na Sanya Bunaya, wa kata ya Kimbiji wakitoa mawazo yao kuhusu uanzishwaji vyanzo vipya vya mapato wameitaka Manispaa kujenga soko la samaki eneo la fery ,kujenga machinjio ,kujenga majengo ya kitegauchumi (shopping mal) kuweka vizuizi na kuanza kutoza watu wanaochimba na kusafirisha mchanga ,kokoto na vifusi.

Hata vyo, Diwani wa kata ya Kisarawe two  Issa  Hemedi  Zahoro   ,amepongeza hatua ya  Rais John  Pombe  Magufuli , kuchukua baadhi ya vyanzo hivyo  na kufafanua kuwa kunafaida kubwa wanaipata kwani wanajengewa Barabara  , masoko ,Hospitali.

“Miradi hii inayotekelezwa na serikali kuu thamani yake ni kubwa inge achiwa Manispaa yetu  isingeweza, hata kama tunge achiwa  hiyo vyanzo tunavyo lalamikia, nampongeza sana  Rais,  maana halmashauri hizi zilijisahau sana zilikuwa zinafuja mapato, bora alivyo chukua tujifunze natusipoangalia na kuwa wabunifu halmashauri   zitavunjwa”Alisema Zahoro.