WAZIRI WA MAMBO YA NDANI YA NCHI MHE. MWIGULU LAMEK NCHEMBA MGENI RASMI POLIS FAMILY DAY.

Na Maria Kaira, 

Mwambawahabari

Waziri wa Mambo ya Ndani ya Nchi Mh. Mwigulu Nchemba anatarajia kuwa mgeni rasmi kwenye hafla fupi ya siku ya familia ya polisi itakayofanyika kesho january 14 katika viwanja vya Leaders Club .

Akizungumza na waandishi wa habari Kamishna wa polisi kanda maalum Dar es salaam Saimon Sirro amesema kuwa waziri ataambatana na viongozi waandamizi wa jeshi la polisi wa kanda hiyo na kuelekea katika mikoa ya kipolisi ya Dar es salaam pamoja na kutembelea hospitali za Wilaya.

Aidha Sirro amesema katika siku hiyo ya familia watatembelea katika hospitali za wilaya zilizopo katika mkoa wa Dar es salaam na kuweza kufanya usafi wa mazingira ili kuweza kutimiza malengo yao ya kufurahia siku yao ya kifamilia.

" Katika mkoa wa kipolisi Ilala tutatembelea hospitali ya Amana, Mkoa wa Kinondoni tutatembelea Mwananyamala pamoja  na mkoa wa Temeke tutafika katika hospitali ya Temeke" amesema Sirro.

Pia amesema katika maadhimisho hayo ya siku ya familia ya polisi yataambatana na michezo mbalimbali ikiwemo ngoma za asili , kuvuta kamba, kukimbiza kuku na muziki kutoka bendi ya polisi.