WAZIRI NAPE NNAUYE AMTEUA MKURUGENZI WA IDARA YA MAENDELEO YA MICHEZO

mwambawahabari

Waziri wa Habari Utamaduni Sanaa na Michezo Mhe.Nape Moses Nnauye amemteua   Bw.Yusuph Singo Omari kuwa Mkurugenzi wa Idara ya Maendeleo ya Michezo  kujaza nafasi iliyo achwa wazi na Bw Leornad Thadeo aliyehamishiwa Wizara ya Elimu na Mafunzo ya Ufundi.

Uteuzi huo umefanyika kwa mujibu wa Sheria ya Utumishi wa Umma ya mwaka 2002 kifungu namba 6(1)(b) kikisomwa pamoja na kifungu namba 8 cha sheria hiyo.

Kabla ya uteuzi huo Bw.Yusuph Singo Omari alikuwa Mkufunzi Mwandamizi katika Chuo Kikuu cha Ardhi katika masuala ya Michezo.

Mhe.Nape Moses Nnauye  pia amemshukuru aliyekuwa akikaimu nafasi hiyo kwa muda wote Bw. Alex Nkenyenge ambaye alifanya kazi zake kwa uadilifu na kujituma kwa kusimamia majukumu yote ya Idara kwa ukamilifu.

Aidha ametoa wito kwa wanamichezo na wananchi  kwa ujumla kutoa ushirikiano wa kutosha kwa Bw Yusuph Singo Omari atakapokuwa anatekeleza majukumu yake.

                   Imetolewa na:

                Zawadi Msalla

                                 Kitengo cha Mawasiliano Serikalini,

                               Wizara ya Habari Utamaduni Sanaa na Michezo.