RAIS MAGUFULI ATOA ZAWADI YA SIKUU KWA WATU WALIO KATIKA MAKUNDI MAALUM

Na Anthony Ishengoma

Rais John Pombe Magufuli ametoa zawadi yenye thamani ya shilingi 8,475,00 kwa  watu walio katika makundi maalum wakiwemo watoto walio katika mazingira hatarishi na wazee wanaohudumiwa katika makazi ili waweze kusherehekea sikuu ya krismass ya mwaka 2016 na mwaka mpya 2017.  

Akikadidhi zawadi hizi kwa  niaba yake  Kamishna Msaidizi wa Ustawi wa Jamii Bi Beatrice Fungamo kutoka Wizara ya Afya, Maendeleo ya Jamii, Jinsia Wazee na Watoto amesema ni utaratibu wa kawaida kwa viongozi Wakuu wa Nchi yetu kuwapatia makundi haya maalum zawadi ya Siku Kuu Krismass ya mwaka huu na mwaka mpya.  

Zawadi zilizotolewa kwa thamani hiyo ya fedha ni vyakula kama vile mchele, mbuzi na mafuta ya kupikia ili kuwawezesha kufurahi na kusherehekea sikukuu kama ilivyo kwa watu wengine.

Zawadi hizi zimetolewa kwa vituo 7 katika Mkoa wa Dar es Salaam, vituo viwili kutoka Zanzibar na Makazi ya Wazee katika mikoa ya Tabora, Kilimanjaro, Manyara, Kigoma, Tanga, Ruvuma, Shinyanga, Singida, Mwanza, Lindi, Mtwara, Kagera, Mara na Morogoro.  

Bi. Beatrice Fungamo amevitaja vituo hivyo kutoka mkoa wa Dar es Salaam kuwa ni Makao ya Taifa ya Watoto Yatima Kurasini – Temeke, Makao ya Watoto Msimbazi, Kituo cha Watoto Dar Al Arqum, Makao ya Watoto Mburahati, Makao ya Watoto Kijiji cha Furaha, Mahabusu ya Watoto Dar es Salaam, Upanga na Makazi ya Wazee Wasiojiweza na wenye Ulemavu Nunge, Kigamboni.

Aidha kutoka Zanzibar ni Kituo cha Watoto Mabaoni - Chakechake, Pemba na Makazi ya wazee wasiojiweza Sebleni – Unguja ikiwemo makambi ya wazee kutoka mikoa yote ya Tanzania Bara yenye makambi ya Wazee.

mwambawahabari

Kamishna Msaidizi wa Ustawi wa Jamii Bi Beatrice Fungamo kutoka Wizara ya Afya, Maendeleo ya Jamii, Jinsia Wazee na Watoto akikabidhi kwa niaba ya Rais zawadi ya Sikukuu kwa Msimamizi wa Makao ya Taifa ya watoto yatima Kurasini leo jijini Dare es Salaam.

Kamishna Msaidizi wa Ustawi wa Jamii Bi Beatrice Fungamo kutoka Wizara ya Afya, Maendeleo ya Jamii, Jinsia Wazee na Watoto akikabidhi kwa niaba ya Rais zawadi ya Sikukuu kwa Msimamizi wa Kituo cha  watoto Msimbazi arc diocese cha Dar es Salaam leo jijini Dare es Salaam.

Kamishna Msaidizi wa Ustawi wa Jamii Bi Beatrice Fungamo kutoka Wizara ya Afya, Maendeleo ya Jamii, Jinsia Wazee na Watoto akikabidhi kwa niaba ya Rais zawadi ya Sikukuu kwa ,Msimamizi wa Kituo cha Watoto cha Dar Al Arqum International Islamic Relief Organisation   leo jijini Dare es Salaam.

Kamishna Msaidizi wa Ustawi wa Jamii Bi Beatrice Fungamo kutoka Wizara ya Afya, Maendeleo ya Jamii, Jinsia Wazee na Watoto akikabidhi kwa niaba ya Rais zawadi ya Sikukuu kwa Msimamizi wa Kituo cha Watoto Mburahati leo jijini Dare es Salaam.