MGOMBEA WA CUF NAFASI YA NAIBUMEYA MANISPAA YA KIGAMBONI AJITOA DAKIKA ZA MWISHO , CCM YAPETA.

Katibu tawala wa Manispaa ya Kigamboni Rahel Mhando akitangaza matokeo ya uchaguzi wa naibu Meya wa Halmashauri, kulia ni Meya wa manispaa ya kigamboni Maabadi Hoja  katikati ni kaimu  Mkurugengenzi wa kigamboni David sukali.

Diwani wa viti maalumu Zuhura Dolla CCM  akipiga kura ya katika uchaguzi wa naibu meya  wa Manispaa ya Kigamboni .

Mwamba wa habari 

Na John Luhende

Chama  Cha Mapinduzi (CCM) kimeibuka na mshindi wa kishindo katika uchaguzi wa Naibu Meya wa Halmshauri ya Manispaa ya Kigamboni, jijini Dar es Salaam ambapo mgombea  wake  Diwani wa Kata ya  Kibada, Amin Mzuri Sambo , amepata kura  nane kati ya tisa zilizopigwa.

Katika uchaguzi huo, uliofanyika leo jioni jijini Dar es Salaam, Mgombea wa Chama cha  Wananchi (CUF),  ambaye ni Diwani wa Kata ya  Tungi, Ernest  Mafimbo alijitoa katika dakika za mwisho na kushangaza wajumbe kutokana na kile alichokidai hakuwa na taarifa  kwamba anagombea.

“Mimi sikuwa na taarifa kwamba nagombea, chama cha wananchi (CUF) hakijanipa barua  ya kuteuliwa kushiriki uchaguzi”amesema Mafimbo, hali iliyozua hali ya sitofahamu ukumbini.

Hata hivyo Ofisa wa Uchaguzi huo  Magdalena Malunda aliwathibitishia wajumbe kuwa, Halmshauri iliviandikia vyama vyote vyenye madiwani katika baraza hilo na kwamba CUF ilimtambulisha Mafimbo kwa barua kuwa ndiye mgombea hivyo inashangaa kusikia akisema hana taarifa.

Kufuatia hali hiyo Mafimbo alitangaza kujitoa  katika kinyang’anyiro hicho  hivyo kumpa upenyo  Mzurisambo  kuwa mgombea pekee.

Akitangaza matokeo mara baada ya upigaji kura kukamilika, Katibu Tawala wa Hal,shauri ya Manispaa ya Kigamboni, Rachael Mhando alisema,  kura zilizopigwa zilikuwa tisa ambapo kura moja  ilikuwa ni ya hapana hivyo kumtangaza  Mzurisambo kuwa Naibu Meya.

Mzurisambo ambaye alikuwa akitetea  kiti hicho ambacho amekiongoza  tangu mwaka 2016,  aliwashukuru wajumbe kwa kumuamini na kumpa dhamana ya kuongoza tena na kwamba atashirikiana kwa karibu na viongozi na wananchi wa Kigamboni katika kuieletea maendeleo wilaya hiyo.

Mbali na uchaguzi huo wa Naibu Meya ambao  hufanyika kila mwaka, pia  baraza hilo lilifanya uchaguzi wa wenye viti wa kamato mbalimbali.