HABARI ZA MAHAKAMANI KUTOKA IRINGA, ABDUL NONDO AKUTWA NA KESI YA KUJIBU.

Mwambawahabari

Mahakama ya Mkoa wa Iringa Leo imetoa uamuzi juu ya kesi ya Mwenyekiti wa Mtandao wa wanafunzi Tanzania (TSNP) Abdul Nondo kuwa mshitakiwa huyo,ana kesi ya kujibu na hivyo anatakiwa kupeleka mashahidi kwa ajili ya kujitetea.

Hakimu mfawidhi wa mahakama ya mkoa wa Iringa Liad Chamshana amesema kuwa Nondo amekutwa na hatia kutokana na maelezo yake aliyotoa polisi kuwa alitekwa .

Awali Nondo, alifikishwa mahakamani hapo akiwa anakabiliwa na mashtaka mawili ambapo,shtaka la kwanza ni kuchapisha taarifa za uongo mtandaoni Machi 7, 2018 akiwa eneo la Ubungo Dar es Salaam na kuzisambaza kupitia mtandao wa kijamii wa Whatsapp kwamba yupo hatarini.

Katika shtaka la pili, wakili huyo amesema Nondo ametoa taarifa za uongo kwa mtumishi wa umma Mafinga alipokuwa anatoa taarifa kwa askari kwenye Kituo cha Polisi Mafinga kwa kusema kuwa alitekwa na watu wasiojulikana kutoka Dar es Salaam na kupelekwa kiwanda cha Pareto Mafinga.

Katika kesi hiyo Nondo anatetewa na mawakili wawili wakiongozwa na Jebra kambole chini ya mtandao wa watetezi wa haki za binadamu nchini (THRDC)