M-KOPA YATOA MSAADA WA MITAMBO YA SOLA MASHULENI

Mwambawahabari

M-KOPA imetoa msaada wa mitambo ya sola kwenda shule ya sekondari Isandula iliyopo wilaya ya Mbozi. Msaada huu una nia ya kuwezesha wanafunzi kujisomea vizuri na kwa uhuru nyakati za usiku.

Huu ni msaada wa pili mwaka huu, baada ya M-KOPA kutoa msaada kama huo shule ya sekondari Mwinyi iliyopo Mkuranga, Pwani. Kukosa mwanga salama wakati wa usiku kumepelekea wanafunzi kutumia njia hatarishi kama vibatari na mishuma, inayo athiri afya zao na kupunguza muda wa kujisomea.

Richard Machera, Meneja Mauzo M-KOPA alisema, “Tumeona changamoto…. Watoto wa shule wanazopitia wakiwa wanajisomea na kufanya soma ya ziada. Mradi huu wa kijamii utasaidia kutatua changamoto za mwanga kwa shule zilizo nje ya umeme wa gridi ya taifa”.

Utafiti uliofanywa na M-KOPA unaonyesha kuwa 92% ya wateja wake wamefaidika na bidhaa za sola kwa kusaidia kuwezesha watoto kujisomea nyakati za usiku na kupelekea maendeleo mazuri ya matokeo yao ya mtihani.

Mwalimu Mkuu wa shule ya sekondari Isandula, Bw. Witson Mtafya asema, “Tungependa kuishukuru M-KOPA kwa msaada huu waliotupa. Nina imani kuwa wanafunzi wateweza kupata muda wa ziada wa kujisomea na kufanya mijadala kwenye vikundi kwa fanisi zaidi na hatimae ufaulu wao kuongezeka”

Msaada uliotolewa unagharimu Tsh. 4,959,000 zikiwemo taa za LED sola 36, chaja za simu, Betri za kuhifadhi nguvu ya sola 9, paneli 9, tochi 9 na redio za kisasa za sola 9. Mitambo hii imefungwa kwenye madarasa mawili, ofisi za mwalimu mkuu na mwalimu mkuu msaidizi na mabweni mawili. M-KOPA sola inaendelea kutoa misaada zaidi kama hii kwa shule nyingine nchini.

M-KOPA ni kampuni ya kimataifa inayoongoza kutoa huduma za sola kwenye mfumo wa ‘pay-as-you-go' kwa nyumba zisizo kwenye gridi. Kampuni hii imeanzisha njia bora Zaidi ya kutoa huduma nafuu, salama na nishati safi kwa mabilioni ya watu wanaishi sehemu zisizo na umeme wa gridi ya taifa. Asante kwa mwanga wa jua na technolojia ya simu, wateja wanaweza kupata mwanga majumbani, kuchaji simu na kusikiliza redio. Wanaweza kufanya haya yote kwa kuwasha tu swichi na kwa gharama nafuu Zaidi ya waliyokuwa watumia kwenye mafuta ya taa.

M-KOPA imeshinda tuzo ya Ubora na Teknolojia kwenye tuzo za FT/IFC Sustainable Finance Awards 2013. Ilipata tuzo ya Bloomberg New Energy Finance Award 2014. M-KOPA ilitambuliwa kama kampuni ya nishati safi ambayo ni mfano wa kuigwa mwaka 2014 kwenye Global Cleantech 100 List na ilikuwa washindi wa kitengo cha SME mwaka 2015 kwenye Zayed Future Energy Prize.